Dr Schnubbn

(Nach Christian Morgenstern, von M. Wolfram Kutzscher 6/89)



E Schnubbn hoggd off dr Terasse,

auf dassr sich e Obfer fasse

- und schderzd alsbald mid großem Grimm

off e Menschn namens Schrimm.



Baul Schrimm erwiederd bromd "Pitschi!"

un haddn droff bis Mondahch frieh.

Doch, bleibdr ma noch längr da,

da melded sich de Ähbehgah!*



Dord angegomm, sahchd e Mund:

"Herr Schimm - se sinn schon längsd gesund!"

Dah grieschd dr Schnubb einen Schregg

un gugge da, er iss glei weg!



*Ähbehgah = ÄBK = Ärzte-Beratungs-Kommission ' Heute: Medizinischer Dienst.


Dr Schnubbn

(Nach Christian Morgenstern, von M. Wolfram Kutzscher 5/91)



E Schnubbn hoggd off dr Terasse,

auf dassr sich e Obfer fasse

- und schderzd alsbald mid großem Grimm

off e Menschn namens Schrimm.

Baul Schrimm erwiederd bromd "Pitschi!"

un haddn droff bis Mondahch frieh.



Baul Schrimm had ooch noch andre Qualn

- er muß de Medizin bezahln!

Nich, dassr nich vorrsicherd wär,

doch wenn de Krankheed nich so schwer



- mussr greifn in de Tasche,

selwer goofn enne Flasche,

damid dr Schnubbn grischd e Schregg

un zusich saachd: "hier geh ich weg!"



Iss dr Schrimm von ihm befreid,

haddr noch lange geene Freid!

Er überleeschd in vollr Wuhd,

wier so was vorhindern duhd.



Zunäschsd geddr in de Sauna,

siehd nich Flora un nich Fauna,

wennr durde Bohnanigg rennd

un so acht bis zehn Schdundn bennd.



Sich von Giwi nur noch ernährd,

zur Arweed middm Rade fährd.

Bissr gloobd er iss imuhn

un mehnd er brauch nischd mehr zu duhn!



E Schnubbn hoggd off dr Terasse,

auf dassr sich e Obfer fasse

- un lauerd lang, mid großem Grimm

off den Menschen namens Schrimm.

Dann, eines Dahches - Mondahch frieh,

da heerd man Schrimm: "Pitschi, Pitschi!" ...

Der nachfolgende Text entstand nach Erdbeben, welche in den Regionen Vogtland und Franken registriert wurden:

Schüttelreim

Dauert auch selten so ein Beben lange,

haben doch viele um ihr Leben bange.

Die neue Druckmaschine

In den neunziger Jahren arbeitete ich als Kundenberater für eine Offsetdruckerei. Bei Kundenbesuchen will auch ein Leipziger nicht allzu sächsisch sprechen. Nach dem Motto: "Mr gibbdsch zwar Miehe, aber Nudzn duhds nischd!".

Jedenfalls war ich bei einem Erstbesuch, zeigte Druckmuster, wollte besonders deutlich sprechen und sagte: "Wir haben auch eine moderne Aufsetmaschine!" Bevor ich im Boden versinken konnte, sagte die Kundin: "Bei mir gönnse ruhsch säggssch redn, das heesd hier Offset!".

Modschegiebchn (Marienkäfer)

Modschegiebchn fliesch,

mir wolln wie du geen Griesch.

Dich gennd dr Bäggr, Baur, Schäfr,

wo andersch heesde Mariengäfr.

gugg dr gerne zu,

sehsch dich grabbln schon am Morschn,

vergeßschn Gummr un de Sorschn.



Modschegiebschn gleen,

finden alle scheen,

de Gindr in Bayern un in Sachsn,

se solln wie du in Friedn wachsn.



Modschegiebschn gomm,

bisde ooch nich fromm,

verschdeesd nich viel von Bollidig,

bei ALLEN bisdes Symbol fors Gligg.



Modschegiebschn mach,

gugg dr gerne nach.

Gennsd geene Grenzn - wie de Liedr,

mir hoffn nur, de gommsd ma wiedr!



M. Wolfram Kutzscher (4/87, überarbeitet 9/89)