Wiehnachtsleed for plattdütsch Lüd!

Frohe Wiehnachten un een gesunnes un friedlicheres 2023 Wünscht Freddy Schnoor

Wiehnachtsleed
for
plattdütsch Lüd!

Alljöhrig to de sülwig Tied
Wo uns dat Christkind komen,
Sünd ok, as wie man`d jetzt hier süht,
Veel plattdütsch Frün`n ut Noh un Wiet,
Bien Wiehnachtsbom tosomen.

Woll opp de wiede Erdenrun`n
Kann`t doch nick`s scheuners geben,
As wo in weihevulle Stun`n
Vun glieke Ort tohop sick fun`n,
Trudütsche Wies` to plegen.

Noch kräfdig drückt man hier de Hand,
kennt Stolz ok nich un Dünken,
Blot mehr noch unner`n Wiehnachtsglanz
Knüppt straffer sick de Fründschaftskranz,
Bie`n hellen Lichterblinken.

As deep in`n söt`n Wunnerdrom,
Opp licht`n Engelsswingen,
So feuhlt sick hüt woll alltosom,
Wo tru vereent bie`n Dannenbom
De Wiehnachtsleeder klingen.

Opp` Ne`e drum hier Olt un Jung
Hüt Obend uns sölt lehren:
Allümmerdor vull Leew und Swung
Uns` plattdütsche Vereenigung
Un trudütsch Ort to Ehren

Friedrich Schnoor