De Harvst

upload.wikimedia.org/ ... /Noon%2C_rest_from_work_-_Van_Gogh.jpeg

De Harvst, he geht no gau int Land -
dat Korn, dat is all inne Schüür
all dütt, dat is een grootet Pand
för't Lewen, no wöd't nich so düür,
alls lagert föör de Wintertied -
de noahste Sommer is noch wied.

Dat Veeh, dat is lang uppen Stall;
De Rööpen de sünd rundüm vull -
för so wat sorgt de Buuren all.
För een paar Monde langt et wull-
se brukt noh fresen nich un smachten,
doa is alltieds good drupp to achten.

De Bööm, de smiet dat Loov herunner,
de Wind de wait't to groote Hopen,
doa kruupt de Winterschlöaper drunner,
so aff un an süht man se loopen.
Ant Herdfüür is't dann mollig warm
un Moder nümmp eern Kind in'n Arm.

© Luzie Rudde