Nix für Unguat

Bildquelle:
www.theater-reitimwinkl.de/ ... /2005Nixfuerunguat1.html

Nix für unguat, liebi Lene,
aber daß d'hoffärti bist
und an Stolz hast, daß d'kaam geh kost,
dees hon i nie anders g'wißt.

Nix für unguat! schaugst in Spiegl,
moast, du kunntst an Engl sei,
daß dees is an Abrglaabn,
gel, dees fallt dir nie nit ei?

Nix für unguat! ja im Raatschen
ko dir weitum koani o,
und in Gschnippisei, verstandn,
bist aar alli du voro.

Nix für unguat! liebi Lene,
aber oft hon i dra denkt,
zu mein Wei, schau, nix für unguat,
na, da möcht i di nit gschenkt.

Franz Ritter von Kobell
(1803 - 1882), deutscher Mineraloge und Dichter

Oh weia, da hat aber der gute Franz Ritter nur schlechte Eigenschaften an seiner Lene entdeckt. Und wie heißt es in Schillers Glocke? „Drum prüfe wer sich ewig bindet“.... Da hat er ja noch früh genug die Kurve bekommen.